Aleksandr Kokorin në vitet e fundit ka qenë më shumë lajm për skandale se sa për çështjet sportive.
Kur ishte te Zeniti, ai dhe bashkatdhetari i tij Pavel Mamaev u dënuan me një vit e gjysmë burg për “huliganizëm dhe sulm” në tetor 2018.
Kokorin, në veçanti, u akuzua se kishte goditur me karrige Denis Pak, një zyrtar nga Ministria e Industrisë dhe Tregtisë.
Sidoqoftë, lojtari që shpesh herë postonte video duke gjuajtur me armë, ishte lanë në lirim me kusht në shtator 2019.
Nga ai skandal, Zeniti e huazoi te Sochi – ku shënoi shtatë gola në 10 ndeshje, ku pastaj si lojtar i lirë u bashkua me Spartak Moskën.
Me vetëm dy gola dhe dy asistime, ai tashmë ka bindur Fiorentinën që të nënshkruajë me të.
“Unë jam praktikisht një lojtar i Fiorentinës tani. E vetmja gjë që mungon është ekzaminimi mjekësor”, ka thënë ai.
Edhe klubi i Spartak Moskës, e ka pranuar që ka marrëveshje mes klubeve.
Spartak and @ACFFiorentinaEN have reached an agreement over Alexander Kokorin’s move to the Italian side ⚡️
Good luck in Serie A, Sasha! ?
— FC Spartak Moscow (@fcsm_eng) January 21, 2021
Spartak, në këmbim, do të marrë një shumë afër 4.5 milionë, ndërsa Kokorin pritet të nënshkruajë për tre vjet e gjysmë.
Ai me Rusinë ka luajtur në 48 ndeshje dhe ka shënuar 12 gola. /Telegrafi/