Bordi i Federatës së Basketbollit të Kosovës (FBK) ka mbajtur mbledhjen e fundit për vitin 2019, ku ka shqyrtuar disa çështje aktuale në basketbollin e Kosovës.
Bordi i FBK-së ka vendosur që Final 8 i Kupës së Kosovës në basketboll të organizohet në qytetin e Rahovecit nga KB Rahoveci.
Kupa do të organizohet nga 11 deri më 15 shkurt, bëhet e ditur në një njoftim të publikuar në faqen e FBK-së.
Gjithashtu është vendosur që Kuvendi i Punës së FBK-së të organizohet më 29 shkurt 2020 në Prishtinë, si dhe ka vendosur që të kërkojë nga të gjithë anëtarët e saj të organizojnë Kuvendet e tyre të Punës deri me datën 28 Shkurt 2020.
Ndër të tjera Bordi ka miratuar Raportin Financiar për vitin 2019, Planin e Veprimit për vitin 2020, Buxhetin për vitin 2020, Planin e Marketingut për vitin 2020, Projektin e Minibasketbollit për 2020-2021. /Telegrafi/