Real Madridi ka fituar 1-3 në udhëtim te Celta Vigo, për ta nisur kështu sezonin 2019/20 me fitore.
Llogarinë e golave për Los Blancos e hapi Karim Benzema në minutën e 12-të, pas asistimit që pranoi nga Gareth Bale.
Pjesa e parë përfundoi me epërsinë minimale të skuadrës nga qyteti i Madridit, derisa e dyta ishte edhe më interesante.
Luka Modric ishte tejet i pafat në këtë përballje me Celta Vigon, pasi u ndëshkua direkt me karton të kuq në minutën e 61-të.
Edhe pse me një lojtar më pak në fushë, mbretërit nuk i ndaluan aksionet e njëpasnjëshme, ndërsa Toni Kroos (61’) shënoi gol të bukur nga asistimi që mori prej Marcelos.
Lucas Vazquez e trefishoi epërsinë për madrilenët, pasi shfrytëzoi për mrekulli asistimin e Karim Benzemas në minutën e 80-të, mirëpo vendasët arritën ta ngushtonin epërsinë me anë të Iker Losadas (90’+1).
Kujtojmë se sezoni i ri i La Liga-së filloi dje (e premte) me ndeshjen që Athletic Bilbao e fitoi 1-0 ndaj Barcelonës me golin e shënuar nga Aritz Aduriz në minutën e 89’. /Telegrafi/
