Federata e Futbollit të Kroacisë (HNS) dhe shtatë federata tjera të futbollit kanë në plan të nisin një ligë rajonale për të rinjtë, e cila më pas do të pasohet edhe prej ekipeve të sendorëve.
Iniciativa për ringjalljen e ligës së ish-Jugosllavisë ekziston që një kohë të gjatë, e cila shihet si një hap logjik për shpëtimin e klubeve të rajonit.
“Një nismë e përbashkët, sot në Zagreb është mbajtur një takim i ekspertëve të shtatë federatave të të futbollit të Evropës Juglindore, ku kanë biseduar për formimin e një lige të përbashkët të futbollit për kategoritë e të rejave të të dyja gjinive”, njoftoi nga HNS, transmeton Telegrafi.
“Federata Kroate e Futbollit ka pritur përfaqësues të federatave të futbollit të Bosnje-Hercegovinës, Malit të Zi, Hungarisë, Maqedonisë, Sllovenisë dhe Serbisë. Në një takim konstruktiv është diskutuar nisja e një ligë të përbashkët”, shkruan më tutje në njoftimin e HNS.
“Të gjithë pjesëmarrësit ranë dakord që të formojnë një ligë, ku sëbashku në këto shtatë vendet jetojnë rreth 30 milionë njerëz. Projekti i është prezantuar ditë më parë edhe Komisionit Profesional të UEFA-s, ku prej këtyre të fundit morën një notë pozitive”, përfundon njoftimi i HNS.
Në këtë formë Shqipëria dhe Kosova do të mbeten jashtë garës rajonale të futbollit. /Telegrafi/