Kandidati për deputet nga Lidhja Demokratike e Kosovës (LDK), Lumir Abdixhiku, ka thënë se kapja e Kosovës është nisur e mirëmbajtur nga PDK-ja.
Abdixhiku ka theksuar se fronti i LDK-së, synim kryesor ka ç’kapjen e Republikës, zhvillimin ekonomik, forcimin e shtetit, luftën e pakompromis ndaj krimit e korrupsionit, shkruan Telegrafi.
“Ky synim s’mund të arrihet me PDK-në si partner. Ky synim arrihet veç me PDK-në në opozitë. Një LDK e pastër këtë do ta bëjë. Vija e përballjes me ta është e palëkundshme”, ka shkruar Abdixhiku në një postim në Facebook.
Mirëpo i menjëhershëm ka qenë reagimi i kandidatit për deputetë nga Vetëvendosje, Fisnik Ismaili, i cili i ka kërkuar Abdixhikut që ta ndryshojë qasjen. “Gabim i ke hy fushatës”, i ka shkruar Ismaili-Abidxhikut.
Por, siç duket Abdixhikut nuk i ka pëlqyer komenti i Fisnik Ismailit, pasi që menjëherë e ka fshirë atë nga postimi i tij./Telegrafi/
