Kosova dhe Barcelona mund të luajnë një ndeshje miqësore mes vete këtë verë, pasi një njeriu i njohur në kampin katalanas vetëm ka filluar punën.
Ish kandidati për president i FC Barcelonës, Lluis Fernandez Ala, po mundohet të organizojë një ndeshje miqësore midis Barcelonës dhe Kosovës në trofeun e ardhshëm Joan Gamper që mbahet në gusht.
Përmes një postimi në llogarinë zyrtare në Twitter, Luis Fernandez ka shkruar: “Ne jemi bashkuar sot me PassioSeny që të sjellim Kosovën në trofeun e ardhshëm të Gamper”.
Në këtë postim ai ka përmendur edhe presidentin e ri të Barcelonës, Joan Laporta. Tutje ai ka shtuar edhe pjesën: “Ne do ta njohim atë zyrtarisht dhe do t’ia shënojmë emrin Kosovës me të mëdha. Kjo është arsyeja pse jemi më shumë se një klub”, ka përfunduar ai.
Des de @PassioSeny ens sumem a fer el suggeriment de portar a Kosovo al proper Gamper.@JoanLaportaFCB @enricmasip5. Reconeixarem la seva oficialital, i posarem el seu nom amb majúscules com ha de ser. Per això som més que un club! @EsportsRAC1 @OnzeTv3 @RogerVinton @_AdrianSnchz
— Lluís Fernández Alà (@Lluisfdezala) April 1, 2021
Ai e ka bërë këtë shkrim pasi Televizioni Publik Spanjoll nuk e ka bërë një gjë të tillë, madje, ata nuk kanë përmendur emrin “Kosova” në asnjë moment gjatë ndeshjes, por i janë referuar ekipit si “Federata e Futbollit të Kosovës”.
Barcelona vs Brazil, 1999. pic.twitter.com/dYjtsS0po7
— 90s Football (@90sfootball) February 6, 2020
Hera e fundit kur një kombëtare ka luajtur me Barcelonën ka qenë viti 1999 me Brazilin, kur ndeshja është mbyllur me rezultat të barabartë 2-2. /Telegrafi/