Hamasi thotë se bisedimet kanë filluar për fazën e dytë të marrëveshjes për lirimin e të burgosurve dhe armëpushimin në Gaza.
“Negociatat kanë filluar në fazën e dytë”, tha Hamasi në një deklaratë, të raportuar nga Times of Israel.
Në deklaratë ata pohojnë se Izraeli po e shmang dhe po vonon zbatimin e marrëveshjes kur bëhet fjalë për ndihmën humanitare.
Njoftimi për rifillimin e negociatave i referohet bisedimeve mes Hamasit dhe ndërmjetësuesve.
Izraeli tha se do të dërgonte një ekip në Doha për bisedime në ditët në vijim.
Sipas marrëveshjes fillestare të armëpushimit, negociatat për fazën e dytë duhej të fillonin në ditën e 16-të të armëpushimit, që ishte dje.
Faza e dytë do t’i jepte fund luftës dhe do të çonte në lirimin e të burgosurve të mbetur të gjallë. /Telegrafi/