Donny Van de Beek pritet së shpejti të bëhet me skuadër të re.
Mesfushori holandez ka shkëlqyer këtë edicion me fanellën e Ajaxit, si në kampionat ashtu edhe në Ligën e Kampionëve.
22-vjeçari falë paraqitjeve spektakolare ka rritur edhe vlerën e tij në treg dhe tani kushton 50 milionë euro.
Paris Saint Germain, Real Madrid, Borussia Dortmund, Bayern Munich, Milan, Napoli e Tottenham Hotspur janë skuadrat që kanë shprehur interesim.
Por duket se më afër transferimit të tij është gjiganti gjerman Borussia Dortmund që tanimë ka bërë hapin e parë.
Verdhezinjtë kanë filluar zyrtarisht bisedimet me Ajaxin për transferimin e Van de Beek.
Drejtori i Dortmund, Michael Zorc ka udhëtuar drejt Holandës për ta kryer marrëveshjen me klubin dhe lojtarin.
Zgjedhja e lojtarit është t’i bashkohet Dortmundit pasi beson se do të ketë më shumë hapësira dhe do të ndihet më i rëndësishëm.
Transferimi i Van de Beek pritet që t’i kushtojë Dortmundit 50 milionë euro. /Telegrafi/