Filloreta Raçi-Fifi, mbrëmjen e djeshme (e shtunë) ka qenë e ftuar në emisionin “A Live Night”, ku mes shumë gjërash ka folur edhe për eksperiencën në Big Brother VIP.
Ajo tregoi se u bë pjesë e këtij formati pasi prej dy vitesh po kërkonte një eksperiencë të re në jetë.
28-vjeçarja shtoi se pandemia ia kishte shkatërruar të gjithë energjinë e pastër, e prandaj donte të shijonte diçka më ndryshe.
“Në BBV kam hyrë për dy arsye. Kisha dy vite që kërkoja një eksperiencë të re në jetë. Doja realisht me shiju diçka ndryshe pas pandemisë që më shkatërroi komplet energjinë e pastër që kisha. Përveç pjesës që ne artistët ramë përtokë nga ana financiare, i vetmi vend ku mund të investonim ishte “YouTube”, nëse kishe para të ndara për të investuar në rregull”, tha krijuesja e hitit “Diell”.
“Fatmirësisht unë kam pasur dhe kam punuar. Kur më erdhi oferta për në BBV, në fillim isha me një “Jo”. Pastaj mendova se kam vite të tëra që po e kërkoj këtë eksperiencë”, u shpreh tutje ajo.
Pak pas daljes nga Big Brother, Fifi nisi një lidhje të re dashurie me Adis Patushin. /Telegrafi/