Këngëtarja e njohur nga Ferizaj, Filloreta Raçi – Fifi, kohëve të fundit është komentuar tejet shumë në shtypin rozë.
Artistja, e cila shpesh u kritikua për dukjen dhe kilogramët e tepërt, ka mahnitur ndjekësit me ndryshimin që ka bërë këtë kohë.
Ajo vetëm para pak ditësh në një postim në InstaStory deklaroi se kishte humbur mbi 15 kilogramë.
Dhe në një fotografi që ka ndarë së fundmi në Instagram vërehet dukshëm ndryshimi drastik i 26 vjeçares.
Kjo ka bërë që të komplimentohet mjaft shumë për pamjen dhe rezultatin që ka arritur për një kohë të shkurtër.
Shumë prej reagimeve kanë qenë pozitive, ndërsa nuk munguan as kritikat e fansave nga ana tjetër.
Veç tjerash, Fifi po vazhdon punën për projekte muzikore dhe së shpejti pritet të sjell këngën e re. /Telegrafi/