Federata Ndërkombëtare e Futbollit (FIFA) ka refuzuar një kërkesë për të monitoruar shkeljet e të drejtave të njeriut nga punëtorët që do të ndërtojnë stadiume dhe infrastrukturë për Kupën e Botës 2034 që do të mbahet në Arabinë Saudite.
Botërori i kaluar në Katar ishte organizuar në mënyrë të shkëlqyer, por mbeti nën hijen e akuzave të shumta se punëtorët, kryesisht nga Bangladeshi dhe Nepali, që ndërtuan stadiumet, jetonin në kushte çnjerëzore.
Prej vitesh është paralajmëruar se këtyre punëtorëve janë shkelur të drejtat e njeriut, dyshohet se janë vrarë disa mijëra, por FIFA nuk bëri asgjë në atë kohë për t’i mbrojtur ata.
Prandaj, dega afrikane e Konfederatës Ndërkombëtare të Sindikatave (ITUC – Afrika), e cila përfaqëson 18 milionë punëtorë afrikanë, i kërkoi FIFA-s të monitorojë kushtet në të cilat punëtorët do të ndërtojnë stadiume dhe infrastrukturë tjetër mbështetëse për Kupën e Botës në Arabinë Saudite, por ata mori një përgjigje negative.
“Masat e marra nga qeveria e Arabisë Saudite janë adekuate dhe të mjaftueshme dhe punëtorët do të kenë status në përputhje me të gjitha standardet e të drejtave të njeriut”, deklaroi FIFA.
Parashikohet që 11 stadiume të reja dhe infrastruktura të tjera si 185,000 dhoma hoteli do të ndërtohen nga rreth 10 milionë punëtorë nga jashtë vendit. /Telegrafi/