Drejtori i Informacionit në RTV Dukagjini, Fidan Rama, ka komentuar qëndrimet dhe vendimet e kryeministrit Kurti pas ardhjes në pushtet.
Rama, në “Debat Plus” me Ermal Pandurin në RTV Dukagjini ka thënë se ndryshimet e shpejta të Kurtit mund të jenë të dëmshme në të ardhmen për vendin.
Ai siç përcjell Telegrafi, thotë se brenda dy jave Albin Kurti e ka lënë opozitën pa tema.
“Të vetmet tema ku opozita ka mundur të kundërshtohet Kurti ishin pikërisht këto: Çështja e flamurit, varri i Rugovës, himni etj.”.
Drejtori i Informacionit në RTV Dukagjini thotë se deri në ndonjë vendim të mundshëm për largimin e taksës, Kurti do të “flejë shlirë” si kryeministër.
“Opozita në këtë kohë nuk do të ketë ndonjë armë me të cilën mund të godasë Kurtin”.
Rama thotë se natyrisht që ndryshimet e Kurtit janë të pritshme pasi janë disa rregulla që kur je kryeministër do të duhet t’i respektosh./Telegrafi/