Kampioni në fuqi i Kosovës, Feronikeli ka arritur një fitore të vlefshme në udhëtim tek Hajvalia.
Skuadra nga Drenasi shënoi fitore me rezultat 3-2, duke udhëhequr qysh në minutat e parë të ndeshjes.
Blerand Kurtishaj asistoi për mrekulli te Mentor Zhdrella i cili shënoi për 1-0 në minutën e 11-të.
Vetëm një minutë më vonë vendasit barazuan pasi një goditje e tyre u devijua nga Behar Maliqi.
10 minuta para fundit të pjesës së parë, Blerand Kurtishaj kaloi ‘Niklin’, në epërsi, por gëzimi i mysafirëve zgjati përsëri pak.
Dy minuta më vonë ishte Halimi i vendasve që barazoi rezultatin pas një gabimi të Behar Maliqit.
Me të filluar pjesa e dytë, mysafirët shënuan golin e tretë dhe të fitores nëpërmjet Mendurim Hotit i cili u asistua nga Mentor Zhdrella.
Pas kësaj fitore, Feronikeli ngjitët në pozitën e dytë në tabelë me 24 pikë të grumbulluara, tri më pak se Trepça ’89 që ka edhe një ndeshje më pak të zhvilluar. /Telegrafi/