Java e 15-të në elitën e futbollit kosovar mbyllet me ndeshjen Feronikeli – Ferizaj.
Skuadra nga Drenasi vije në këtë takim pas humbjes në mesjavë nga Prishtina.
Nikli aktualisht ndodhet në pozitën e dytë në tabelë me 32 pikë katër më pak se Prishtina lidere.
Kësisoj ekipi i drejtuar nga Zekirija Ramadani synon të marrë tri pikët për të vazhduar luftën me Prishtinën për pozitën e parë.
Në anën tjetër, Ferizaj vije në këtë takim pas fitores në mesjavë si mysafir i KEK-ut.
Bardh e katërtit të udhëhequr nga Afrim Tovërlani udhëtojnë drejt Drenasit me të vetmin qëllim për të befasuar.
Në ndeshjen e parë të zhvilluar mes këtyre dy skuadrave, Feronikeli kishte triumfuar në Ferizaj me rezultat të pastër 2-0.
Ndeshjen që do të zhvillohet në stadiumin Rexhep Rexhepi në Drenas nga ora 13:30, do ta drejtojë gjyqtari Burim Jahmurataj me ndihmësit Imran Kabashi dhe Meriton Berisha. /Telegrafi/