Feronikeli ’74 dhe Drita kanë publikuar tashmë formacionet zyrtare për ndeshjen e vlefshme për javën e 25-të në Albi Mall Superligën e Kosovës.
Drenicasit janë nikoqir të gjilanasve në ndeshjen që pritet të zhvillohet në stadiumin “Rexhep Rexhepi” me fillim nga ora 13:00.
Ekipi i Shefki Kuqit vjen në këtë ndeshje pas një fitore të madhe në udhëtim te Liria dhe synon fitoren e radhës për t’i ikur pozitës së barazhit.
Në anën tjetër, ekipi i Zekirija Ramadanit gjithashtu vjen nga një fitore dhe dëshiron tri pikët e radhës apo së paku rezultat pozitiv për të mbetur në hap me dy pozitat e para.
Trajnerët e të dyja skuadrave kanë vendosur të startojnë me formacionet më të mira të mundshme.
Feronikeli ’74: Meira, Lladrovci, Musa, Mballow, Berisha, Zoungrana, Bruqi, Shillova, Shabani, Rrahmani, Morina
Drita: Maloku; Krasniqi, Bejtullai, Mesa, Ovouka; Broja, Dabiqaj, Selmani, Baftiu, Ajzeraj; Krasniqi;
/Telegrafi/