Rep-artisti Feronit Shabani, i njohur me emrin artistik Fero, tashmë ka filluar të prodhojë muzikë nga kompania e tij muzikore.
Në tregun muzikor, ai është tejet aktiv duke sjellë kohëve të fundit materiale të reja muzikore. Ditë ma parë, ai kishte paralajmëruar se projekti më i ri muzikor do të publikohet shumë shpejt, e që tani ka caktuar një datë.
Përmes rrjetit social Instagram, Fero ka publikuar një fotografi ku shihet i ulur në një karrige teksa lajmëron këngën e re.
“’Fero 1 e keni’, 10.04 ose pasnesër mund të shihni klipin ora 12 të mesnatës”, ka shkruar në mbishkrimin e fotografisë.
Kujtojmë se projekti i tij i fundit titullohet “Marijuana” e që fillimisht ishte fshirë nga YouTube për shkak të përmbajtjes dhe më pas është rikthyer. /Telegrafi/