Reperi nga Gjilani, Feronit Shabani – Fero, kohëve të fundit ka qenë një nga emrat më të përfolur në shtypin rozë.
Kjo pas disa zënkave që fillimisht kishte pasur me artistin Robert Berisha e më pas edhe me reperët e tjerë: Lyrical Son, MC Kresha dhe BimBimma.
I njëjti tashmë është rikthyer në Kosovë, por duket se jo për t’u përballur me emrat e lartpërmendur edhe pse u shpalli luftë fizikisht.
Përmes disa postimeve që ka ndarë në llogarinë personale, Instagram, Fero aktualisht ndodhet në qytetin e tij të lindjes – Gjilan për të xhiruar klipin e ri.
Ai ka bashkuar forcat me reperin Duda e me një pjesë të artistëve gjilanas për këngën e re, e cila pritet të lansohet së shpejti.
Në një nga imazhet ku shfaqet në një bisedë virtuale me Dudën, ai në mbishkrim shtoi, “së shpejti” – referuar projektit të përbashkët.
Në vazhdim presim të shohim se çfarë do na sjellin artistët e njohur, duke qenë se më herët nuk kishin raporte edhe aq të mira. /Telegrafi/