Legjenda e Manchester Unitedit, Rio Ferdinand, e ka komentuar humbjen e Barcelonës nga Juventusi në çerekfinale të Ligës së Kampionëve.
Blaugranët pësuan me rezultat 3-0 në ndeshjen e parë dhe janë në pozitë të vështirë para takimit kthyes që zhvillohet pas një jave në Camp Nou.
Ish-futbollisti anglez i ka kritikuar katalunasit duke theksuar se disa prej lojtarëve të Barcës nuk janë në nivelin e duhur për të luajtur për këtë skuadër.
“Janë pesë apo gjashtë lojtarë në këtë skuadër që nuk e meritojnë as ta veshin fanellën”, ka thënë Ferdinand.
Sidoqoftë, Barcelona dëshmoi se është në gjendje që t’i ndryshojë gjërat në ndeshjen kthyese ndaj Paris Saint-Germainit, ashtu që do të përpiqet ta bëjë të njëjtën gjë edhe ndaj Juventusit. /Telegrafi/