Ronaldo apo i njohur si ‘Fenomeni’ është një nga lojtarët më të mirë që ka parë bota e futbollit.
Në një intervistë për radio stacionin spanjoll Onda Cero, braziliani ka zbuluar lojtarin që do donte ta shikonte te Los Blancos dhe cila është zgjedhja e tij mes Crsistiano Ronaldos, Neymarit dhe Lionel Messit.
“Një lojtar që do doje ta shikoje te Reali? Do doja te shikoja Coutinhon”, ka thënë shkurt Ronaldo, transmeton Telegrafi.
Ndërsa i pyetur se cila do ishte zgjidhja e tij mes Ronaldos, Neymarit dhe Messit, përgjigjja e brazilianit ishte e pritshme, pasi ishte pak e ndikuar nga kaluara e tij.
“Të tre janë lojtarë të mirë. Por, unë do të përfshijë këtu edhe Luis Suarezin. Kjo është pyetja më e shpeshtë në intervista, nuk e di a është vetëm për mua, apo për të gjithë, por kur e bëni këtë pyetje ju harroni se të tre janë lojtarë të mirë”.
“Është shumë e vështirë për mua të zgjedh njërin. Ata janë shumë, shumë të mirë. Në këtë moment zgjedhja ime është Cristiano pasi luan për Realin, por nuk duhet të harrojmë sa të mirë janë edhe Messi e Neymari. Duhet të respektojmë këta lojtarë të cilët na argëtojnë shumë”, ka thënë Ronaldo. /Telegrafi/