Binjakët e lindur në një distancë kohore prej 15 minutave i kanë ditëlindjen në ditë, muaj dhe vite të ndryshme, pasi që njëra lindi pikërisht në mesnatën e ndërrimit të moteve.
Fatima Madrigal dhe Robert Trujilo nga Greendfield i Kalifornisë, pritën vëllain dhe motrën binjake Alfred dhe Ailin, në ditë të ndryshme në një qendër medicinale në Nativadad, transmeton Telegrafi.
Djali Alfredo lindi në ora 23:45 gjatë 31 dhjetorit të vitit 2021, derisa prindërit i uruan mirëseardhjen në këtë botë vajzës Ailin në mesnatë – pra më 1 janar të vitit 2022.
E ëma Fatima tha se ka qenë “çmenduri” që dy fëmijët e saj kanë ditëlindje të ndryshme, por se theksoi se i vjen mirë që Ailin lindi një ditë më vonë.
“Është çmenduri që binjakët kanë ditë të ndryshme të lindjes”, tha ajo gjatë një interviste dhënë për mediat lokale.
Çdo vit në Shtetet e Bashkuara lindin rreth 120 mijë binjakë – që është afro 3 për qind e të gjitha lindjeve, por janë shumë të rralla rastet kur binjakët kanë ditëlindje të ndryshme. /Telegrafi/