Kjo situatë shfaqet më shumë tek ata fëmijë të cilët që në moshë të vogël rriten nën kujdesin e dadove. Ky problem, duhet të zgjidhet patjetër para se fëmija të mbushë 6 vjeç, pasi në këtë moshë nisin edhe problemet me shkollën.
Qëndrimi për një kohë të gjatë larg nënës, mund të shkaktojë tek ai problem të ndryshme, transmeton Telegrafi.
Çfarë mund të bëjmë?
Nëse fëmija vjen i frikësuar në krevatin tuaj nga një ëndërr që mund të ketë parë, nuk duhet në asnjë mënyrë që ti kundërpërgjigjesh me tone të larta të llojit “Prapë erdhe ti? Pse u çove?, Përsëri u trembe?, etj”.
Hapi i parë që nëna apo babai duhet të hedh në këtë moment, është të përqafoj fëmijën dhe të përpiqet ta qetësojë atë. Mos e detyroni fëmijën që të flejë i vetëm në një moment të tillë. Ju mund të shkoni dhe të flini bashkë me të në krevatin e tij.
Një metodë e mirë është ajo e tregimit të përrallave deri kur fëmijën ta zërë gjumi. Ju mund t’i përkëdhelni kokën, mund ta mbani pranë vetes deri sa të flejë.
Një pikë e rëndësishme që vlen të theksohet, është se kur ai trembet, në asnjë mënyrë nuk duhet ta merrni në krevatin tuaj, por duhet të shkoni ju në krevatin e tij.
Nëse fëmija juaj ka ndonjë lodër apo veshje që i pëlqen shumë, lëreni të flejë së bashku me të. Kjo gjë do ta bëjë atë më të qetë.
Përpiquni t’i krijoni kushte komode në dhomën e tij. Një dhomë me temperaturë nga 17-24 gradë, pa zhurmë, etj do të ishte ideale për të.
Nëse vendosni të blini ndonjë gjë për dhomën e fëmijës, merreni me vete edhe vetë atë. Në këtë mënyrë, fëmija do të ambientohet më shpejt me dhomën e vet. /Telegrafi/