Një video e Cristiano Ronaldos gjatë një bashkëbisedimi me fëmijët e tij, ka bërë xhiron ditëve të fundit në internet.
Futbollisti legjendar pyeti fëmijët e tyre se kush sipas tyre është personi më i famshëm që ata njohin.
Megjithatë, përgjigjja e tyre habiti edhe vetë Ronaldon, pasi siç duket nuk ishte ajo se çfarë ai priste.
Fëmijët thanë se personi më i famshëm që ata njohin është nëna e tyre, pra Georgina Rodriguez, njëherësh partnerja e yllit portugez.
Me të marrë këtë përgjigje, Ronaldo mbeti i shtangur derisa i dha Georgina-s, një shikim të çuditshëm. Kjo e fundit, po buzëqeshte me ëmbëlsi derisa shikonte fëmijët me një lloj krenarie.
Kjo video e shkëputur nga videoja e plotë që futbollisti publikoi në kanalin e tij në YouTube, ka bërë xhiron në internet kohëve të fundit. /Telegrafi/
