Tifozët e boksit kanë shprehur shqetësimin e tyre për Tyson Fury pasi ai u filmua duke u shoqëruar jashtë një lokali në qytetin e tij të lindjes, Morecambe, përpara se të rrëzohej në trotuar.
Janë shfaqur pamjet e 35-vjeçarit që duket shumë keq vetëm disa javë pasi ai pësoi humbjen e tij të parë profesionale kundër Oleksandr Usyk në Arabinë Saudite.
Një burim i tha The Sun se Fury ‘kishte shumë gjendje të çrregullt dhe as nuk po ndihej shumë mirë’ pas festës me miqtë dhe fansat.
Gypsy King kaloi pothuajse tre vjet jashtë ringut pasi mundi Wladimir Klitschkon në 2015, ndërsa ai iu kthye alkoolit ndërsa kishte edhe problerme me shëndetin e tij mendor, ku ai pranoi se po mendonte për vetëvrasje dhe disa fansa kanë frikë se mund të shkojë në një rrugë të ngjashme pas dështimit të tij në Lindjen e Mesme.
“Kjo është vërtet e trishtueshme për t’u parë duke marrë parasysh problemet që ai ka pasur në të kaluarën. Shpresoj se ai nuk do të shkojë përsëri në një rrugë të errët”, postoi një fans në X.
Një tjetër shtoi: “Shpresoj që kjo të mos jetë një rikthim. Do të ishte e trishtueshme që ai të kthehej aty ku ishte pas luftës me Klitschko, ndërsa një përdorues tjetër i X pranoi: “Po, isha i shqetësuar se kjo do të ndodhte”.
Dalja nga një bar pas një nate jashtë mund të mos duket si një punë e madhe për disa, por fansat kanë theksuar se rasti i Furyt mund të jetë shumë i ndryshëm duke pasur parasysh betejat e tij në të kaluarën dhe i kanë bërë thirrje atij që të marrë ndihmë për të siguruar që gjërat të mos shkojnë edhe një herë jashtë kontrollit.
Humbja e Fury nga Usyk ndodhi pak më shumë se tre javë më parë, por tashmë është bërë e ditur se ai do të përballet sërish me ukrainasin më 21 dhjetor. /Telegrafi/