Këngëtarja Shkurte Fejza ka festuar dje (e mërkurë) ditëlindjen e saj të 56-të.
Me këtë rast ajo ka marrë plot urime të përzemërta nga miqtë, kolegët, e familjarët e saj.
Shkurta ka festuar ditëlindjen në një ambient të ngrohtë familjar, pranë më të dashurve të saj.
Vajza e saj, këngëtarja Gresa Behluli ka publikuar disa imazhe nga festa në InstaStory, ku ka prezantuar për fansat edhe befasinë që ajo, motrat dhe vëllai i kanë bërë nënës së saj.
Një tryezë e shtruar plot me gota vere dhe një tortë me qirinj, ka qenë surpriza e përgatitur për këngëtaren Fejza, e cila dukej shumë e lumtur pranë më të shtrenjtëve të saj.
Të shumta kanë qenë edhe urimet e përzemërta të fansave për këngëtaren. /Telegrafi/
