Federico Chiesa do të largohet nga Juventusi dhe kjo tanimë është konfirmuar.
Megjithatë e ardhmja e sulmuesit italian vazhdon të jetë në pikëpyetje se ku do ta vazhdoj karrierën, pasi ka disa klube të interesuara.
Napoli dhe Inter kanë shprehur interesim, por pa bërë hapa para.
Megjithatë ka një luftë mes dy skuadrave kryeqytetase si Roma dhe Lazio që tanimë po shihen si favorite.
Agjenti i lojtarit, shqiptari Fali Ramadani ka zbarkuar në kryeqytetin italian dhe gjatë ditës së sotme do të zhvilloj takime me përfaqësuesit e dy klubeve.
Juventus nuk e ka në plane Chiesan dhe tanimë i kanë caktuar çmimin e largimit prej 15 milionë eurove.
Nga ana tjetër kërkesat e Chiesas janë prej gjashtë milionë eurove në sezon, shumë që Roma duket më e gatshme t’ia përmbush. /Telegrafi/