Barcelona ka filluar të hartojë planet për afatin kalimtar veror, i cili do të udhëhiqet nga drejtori sportiv Deco.
Hansi Flick do të jetë i përfshirë dhe ai pritet që të ketë një ndikim të paktën tek një transferim.
Në javët e fundit, u raportua se Flick është i etur të nënshkruajë me një mbrojtës të djathtë në verë. Barcelona momentalisht i ka Jules Kounde dhe Hector Fort si opsione për atë pozitë, ani pse ky i fundit duket se do të huazohet sezonin e ardhshëm.
Deco është i përgatitur që ta plotësojë këtë kërkesë dhe sipas raportimit nga Fabrizio Romano, Barcelona po eksploron opsionet e saj në këtë drejtim.
🚨🔵🔴 Barcelona are exploring options to bring in one more right back in the summer in addition to Koundé.
Initial calls have started with club very happy with Jules Koundé, but also willing to add one more player in that position with many games again next season. pic.twitter.com/NMdj1Oa7Vz
— Fabrizio Romano (@FabrizioRomano) March 7, 2025
Bordi i klubit është i kënaqur me Kounde, por ideja është që ai ta ndjejë konkurrencën më shumë sezonin e ardhshëm, teksa një prurje e re do t’i lejonte atij të merrtë më shumë pushim gjithashtu.
Një nga emrat e përmendur si kandidat i mundshëm është futbollisti rumun Andrei Ratiu i cili aktivizohet në radhët e Rayo Vallecanos.
Deco është një fans i madh i Ratiut, ani pse Flick nuk është i bindur nga aftësitë e tij dhe do të preferonte opsione të tjera.
Ardhja e një mbrojtësi të djathtë do t’i lejonte gjithashtu Koundes që të luajë në qendër të mbrojtjes, që është pozita e tij natyrale, ani pse Flick tashmë ka aty emra si Pau Cubarsi, Ronald Araujo dhe Inigo Martinez si opsione./Telegrafi/