Këngëtarja simpatike Evi Reçi këtë vit ka sprovuar veten në garën e madhe të muzikës “Kënga Magjike 2017”.
Ajo është paraqitur me këngën “Dorëzohu”, një baladë e zhanrit indie-pop, e cila është punuar me mjeshtri nga kompozitori Darko Dimitrov.
Më shumë për vete të bëjnë edhe vargjet e tekstit, të cilat janë thurur nga artisti i njohur kosovar, Yll Limani.
Një këngë e veçantë, që sa herë e dëgjohet duket sikur reflekton tek një tjetër dimension.
E për veçantinë që transmeton kjo këngë, këngëtarja Evi Reçi dha një shpjegim përmes rrjetit social Instagram, duke zbuluar përmes një shkrimi se nga e mori frymëzimin për realizimin e një kënge kaq të veçantë.
“Tek frymezimi besoj qendron magjia e kesaj kenge. Tingujt qe kam dashur te perdor jane tinguj qe i pershtaten shume karakterit im dhe ndikimeve artistike qe kam pasur qe kur fillova te merresha me muzike. Kjo kenge bashkon shume boten perendimore me ate te lindjes, dhe akoma me shume periudhen bizantine ndaj dhe kenga ka keto nuanca mistike. Per sa i perket tekstit? Nje kerkese per te pasur pergjigjet e nje ndjenje te pashprehur, pra te guxosh te shprehesh edhe me friken e rrezikut. Ju premtoj akoma me shume emocione edhe tek performanca ne gjysem finale! Per cdo lloj mbeshtetje qe kam pasur nga miqt dhe koleget, une nuk i harroj! Faleminderit te gjitheve” (sic.), ka shkruar këngëtarja Reçi në Instagram.
Ndryshe, “Dorëzohu” renditet si një ndër këngë favorite të këtij edicioni, e cila ka spikatur falë ‘magjisë’ që Evi solli në skenën e “Këngës Magjike”. /Telegrafi/