Raporti i organizatës “Europa Nostra” ku e ka konsideruar të rrezikuar Manastirin e Deçanit është kthyer sërish në temë diskutimi, ndërsa lidhur me këtë raportuesja për Kosovën në Parlamentin Evropian, Viola von Cramon ka takuar përfaqësues të organizatës.
Eurodeputetja von Cramon në një postim në Twitter ka njoftuar se ka pasur një takim të hapur dhe produktiv me përfaqësues të “Europa Nostra” lidhur me mbrojtjen e trashëgimisë kulturore.
“Takimi i hapur dhe produktiv me organizatën Europa Nostra për nevojën për të përmirësuar mbrojtjen e trashëgimisë kulturore të rrezikuar në të gjithë Evropën, me fokus të veçantë në Manastirin e Deçanit dhe trashëgiminë kulturore të shkatërruar në Ukrainë”, shkruan von Cramon.
Open and productive meeting with the SecGen of @europanostra about the need to improve the protection of endangered #CulturalHeritage throughout #Europe, with the particular focus on @DecaniMonastery and destroyed cultural heritage in Ukraine 🇺🇦. pic.twitter.com/3jWJ0hroiq
— Viola von Cramon (@ViolavonCramon) July 14, 2022
E për këtë takim kanë shkruar edhe nga organizata “Europa Nostra”.
“Shumë faleminderit eurodeputetes Viola von Cramon për interesin dhe mbështetjen për ruajtjen e trashëgimisë së rrezikuar në Evropë në tërësi, duke përfshirë Ballkanin Perëndimor dhe Ukrainën.
Ne nuk mund të ndërtojmë një të ardhme të përbashkët pa mirëkuptimin dhe kujdesin e duhur për trashëgiminë dhe historinë tonë të përbashkët”, shkruhet në Twitter nga kjo organizatë.
Many thanks to @Europarl_EN & MEP @ViolavonCramon for their interest and support for saving endangered heritage in Europe as a whole, including #WesternBalkans & #Ukraine.
We cannot build a shared future without proper understanding and care for our shared heritage and history. https://t.co/IfkdotKXm9— Europa Nostra (@europanostra) July 14, 2022
Ndryshe, lidhur me konstatimin e “Europa Nostra” se Manastiri i Deçanit është një nga 7 monumente të rrezikuara ka reaguar sot edhe kryetari i komunës së Deçanit, Bashkim Ramosaj.
“Vlerësojmë se raporti i publikuar më datë 13.07.2022, nga ‘EuropaNostra’ është i pabazuar dhe nuk përket me realitetin e përditshëm i cili ndodh në komunën e Deçanit”, thuhet në reagimin e Ramosajt. /Telegrafi/