Raportuesja për Kosovën në Parlamentin Evropian, Viola von Cramon, po ashtu ka qenë në mesin e shumë figurave publike që ka reaguar për “Sunny Hill”.
Kjo pas raportimeve të djeshme (e martë) se festivali u anulua në Prishtinë dhe u zhvendos në Tiranë për edicionin e tretë me radhë.
Në një shkrim të bërë në Tëitter, eurodeputetja shprehet e mërzitur rreth lajmeve se këtë verë “Sunny Hill” nuk do të jetë në Kosovë.
I’m very sad to see that #SunnyHill Festival won’t take place in #Pristina this summer.
It is a strategic mistake as it brings people to #Kosovo & promotes its youth. #KosovoGovernment should have ensured that @sunnyhill2022 takes place in Pristina & hope it will return there.
— Viola von Cramon (@ViolavonCramon) June 15, 2022
“Jam shumë e mërzitur që Festivali Sunny Hill nuk do të mbahet këtë verë në Prishtinë”, tha ajo.
“Është një gabim strategjik pasi sjell njerëzit në Kosovë, promovon rininë e saj. Qeveria e Kosovës duhet të sigurohej që Sunny Hill 2022 të mbahet në Prishtinë, me shpresë se do të kthehet atje”, shtoi më tej von Cramon.
“Sunny Hill” u zhvendos në Tiranë për shkak të zvarritjes për dhënien e pronës nga Ministria e Administrimit të Pushtetit Lokal (MAPL).
Në anën tjetër, faji iu hodh edhe Komunës së Prishtinës ndonëse pati akuza të ndryshme nga të dyja palët. /Telegrafi/