Argjentina është e shqetësuar për gjendjen fizike të njeriut të etiketuar si ‘truproja e Lionel Messit’, para ndeshjes së madhe kundër Holandës.
Rodrigo De Paul nuk ka arritur të stërvitet me bashkëlojtarët gjatë ditës së sotme (e mërkurë), ndërkohë që përgatitet t’u nënshtrohet ekzaminimeve mjekësore.
Mesfushori ka luajtur në të gjitha ndeshjet e përfaqësueses së tij deri më tani në Kampionatin Botëror në Katar.
Ditën e premte, Argjentina zhvillon ndeshjen çerekfinale kundër Holandës dhe ka shqetësime se 28-vjeçari mund të mungojë ose nuk do të jetë në gjendje ta zhvillojë gjithë takimin.
Besohet se ylli i Atletico Madridit ka probleme me muskujt e pasmë të këmbës së djathtë dhe është detyruar të stërvitet ndaras nga skuadra.
Tifozët e Argjentinës e kanë quajtur atë si ‘truproja e Messit’ dhe kjo nuk ka të bëjë vetëm me aspektin fizik. Ai e mbulon gjithashtu superyllin edhe në aspektin taktik duke ia mundësuar lojën e lirë.
De Paul luajti rol kyç në suksesin e arritur në vitin e kaluar në Copa America dhe trajneri Lionel Scaloni i ka besuar sërish edhe në ‘Katar 2022’. /Telegrafi/
— نواف (@26iiNi) November 18, 2022