Eskalon situata para El Clasicos: Anëtari i bordit të Barcelonës thotë se Vinicius e meriton një shuplakë fytyrës pasi është palaço

Një anëtar i bordit të Barcelonës ka goditur ashpër asin e Real Madridit, Vinicius Junior përpara El Clasicos këtë fundjavë.

Zëdhënësi i bordit të drejtorëve të klubit katalunas, dhe anëtari numër 33,796 i klubit, Mikel Camps, është futur në rrjetet sociale për të sulmuar brazilianin.

Camps u konfrontua me brazilianin gjatë fitores së mbrëmshme në Ligën e Kampionëve në Braga. Ylli i Los Blancos bëri një përpjekje të dështuar në një ndërhyrje gjatë fitores dhe gjithashtu dy lëvizje të bukura në mes të fushës.

Lexo po ashtu Situata me lëndime te Barcelona, pesë ditë para El Clasicos: Xavi duhet të shqetësohet

Camps postoi: “Nuk është racizëm, ai meriton një shuplakë për faktin se është një palaço dhe e ka dëshmuar këtë”.

“Çfarë përfaqësojnë këto lëvizje të panevojshme dhe të pakuptimta në qendër të fushës?”.

Camps e fshiu shpejt postimin, por jo aq shpejt sa t’u ikën përdoruesve të platformës X (Ish-Twitter) që ta rikthejnë atë me sreenshot. /Telegrafi/