Tifozët e Barcelonës nuk e kanë pranuar edhe aq lehtë humbjen 2-1 nga Real Madridi në Camp Nou.
Los Blancos morën tre pikë në kuadër të javës së nëntë në La Liga, duke thelluar edhe më tej krizën e katalunasve.
Tifozët pas ndeshjes e sulmuan trajnerin Ronald Koeman, që ishte në makinë dhe së fundmi ka reaguar edhe Barcelona.
Klubi përmes një komunikate bëri të ditur se do marrin masa siguri që kjo gjë të mos përsëritet asnjëherë.
“FC Barcelona dënon publikisht veprimet e dhunshme dhe përçmuese që trajneri ynë ka përjetuar gjatë largimit nga Camp Nou. Klubi do të marrë masa sigurie dhe disiplinore që ngjarje të tilla fatkeqe të mos përsëriten”, thuhet në komunikatë.
Pas humbjes, Barcelona zë pozitën e tetë në tabelë me 15 pikë, pesë prapa Realit që është lider në La Liga. /Telegrafi/
FC Barcelona publicly condemns the violent and disdainful acts that our manager experienced when leaving the Camp Nou. The Club will take security and disciplinary measures so that such unfortunate events do not happen again.
— FC Barcelona (@FCBarcelona) October 24, 2021