“Është si një mallkim”, ky është tatuazhi që nuk duhet ta bëni kurrë sipas artistëve australianë

Një tatuazh shumë specifik që artistët e tatuazheve thonë se njerëzit duhet ta shmangin është emri i partnerit tuaj.

“Mos e bëni, është si një mallkim, ndoshta do të ndaheni javën tjetër nëse e bëni”, tha në TikTok një artist nga Markd Tattoo në Australi. “Nuk do ta rekomandoja”.

Çiftet që bëjnë tatuazh emrat e njëri-tjetrit mund të duket diçka e ëmbël dhe simpatike për të treguar vlerësim, por është një gabim i madh që e paralajmërojnë artistët e tatuazheve, transmeton Telegrafi.

@markdtattoo You heard them 👀 Better think about getting your partner’s name tattooed on you #tattooartistlife #tattooartistcheck #tattooquestions #tattootiktoks ♬ Couple tattoos – MARKD | Sydney Tattoos

Tre artistë të tjerë në dyqan gjithashtu ndanë të njëjtin mendim, pasi që shpesh njerëzit i bien pishman dhe me këtë rast detyrohen ta mbulojnë me një tjetër tatuazh që i bëhet edhe më shtrenjtë.

Megjithatë një nga artistët e dyqanit ndau një përjashtim nëse doni ta bëni tatuazh emrin e dikujt.

“Mos e bëni vetëm nëse jeni të martuar me të, ose keni fëmijë”, tha artisti. “Nëse jo, ju sjell fat të keq”. /Telegrafi/