Trajneri i Aston Villas, Unai Emery ka shpërthyer pas humbjes nga Club Brugge të mërkurën mbrëma dhe në veçanti për golin e fitores i cili erdhi nga një penallti qesharake apo e çuditshme e shkaktuar nga mbrojtësi Tyrone Mings.
Aston Villa u mposht në udhëtim nga Club Brugge me rezultat 1-0, me golin e vetëm që erdhi nga pika e bardhë në minutën e 52-të nga Hans Vanaken.
Megjithatë, penalltia e shkaktuar nga Mings ishte njëra nga më të çuditshmet që janë parë ndonjëherë në lojën e futbollit.
Ishte minuta e 51-të, me rezultatin 0-0, kur portieri Emy Martinez nisi topin nga pesë metershi dhe Mings, duke menduar se topi nuk ishte ende në lojë, e kapi atë me dorë brenda zonës.
Straff 👀
Aston Villas Tyrone Mings tar upp bollen med händerna vilket resulterar i straff för Club Brügge
📺 Club Brügge-Aston Villa, just nu på Viaplay och V sport fotboll live 2 pic.twitter.com/yiiC2ivGH1
— Viaplay Fotboll (@ViaplayFotboll) November 6, 2024
Gjesti i anglezit befasoi të gjithë, edhe gjyqtarin e ndeshjes, Tobias Stieler, i cili pas disa çastesh mosbesimi përfundoi duke dhënë penalltinë në favor të belgëve.
Pas ndeshjes, trajneri i Aston Villas, nuk e fshehu zemërimin e tij për gabimin fëmijëror që i kushtoi me humbjen e parë këtë edicion në Ligën e Kampionëve.
“Është gabimi më i madh që kam parë në karrierën time si trajner. Është një gabim shumë, shumë i çuditshëm. Ne duhet ta harrojmë atë shpejt”, deklaroi Emery pas ndeshjes.
Mings, nga ana e tij, nuk del nga sprova e tij e veçantë. Ai u rikthye vetëm këtë javë pas 452 ditësh jashtë fushave shkaku i lëndimit, teksa për t’i bërë gjërat edhe më keq, Emery e zëvendësoi në minutën e 66-të duke futur në lojë Pau Torres. /Telegrafi/