Karim Adeyemi është njëri nga talentët më të mirë në Evropë.
Sulmuesi gjerman e ka filluar në mënyrën më të mirë të mundshme edicionin e ri me gjigantin austriak, RB Salzburg.
Në nëntë ndeshjet e para mes kampionatit, Ligës së Kampionëve dhe Kupës së Austrisë, Adeyemi ka arritur të shënoj shtatë gola dhe të asistojë në një tjetër.
Falë formës shumë të mirë, lojtari është grumbulluar edhe nga Kombëtarja A e Gjermanisë dhe po pret debutimin.
Bayern Munich është duke e monitoruar situatën e tij, pasi dëshiron ta rikthejë në skuadër në edicionin e ardhshëm.
19-vjeçari ka qenë pjesë e grupmoshave të Bayernit, pasa se të largohej në drejtim të Unterhaching e nga ku kaloi te RB Salzburg në vitin 2018 për 3,3 milionë euro.
Lojtari po shihet si sensacion në futbollin austriak dhe Bayerni është duke tentuar ta rikthejë atë.
Mediat në Gjermani kanë raportuar se bavarezët janë të gatshëm të shpenzojnë deri në 25 milionë euro për rikthimin e talentit të madh gjerman në Allianz Arena. /Telegrafi/