Juventusi shfuqizoi një deficit prej dy golash kundër Atletico Madridit me një hat-trik nga Cristiano Ronaldo, i cili mund të konsiderohet si lojtari më i mirë në historinë e Ligës së Kampionëve.
Portugezi e la shenjën e tij në një tjetër takim evropian dhe tani ka 125 gola në këtë turne, duke qenë golashënuesi më i mirë i garës në shtatë sezone.
Në sezonin 2012/13 ai shënoi 17 herë, duke vendosur një rekord të ri në lidhje me golat nga një lojtar i vetëm në një edicion.
Ronaldo e ka fituar pesë trofeun e Ligës së Kampionëve dhe është i vetmi lojtar që ka shënuar në tri finale, 11 ndeshje rresht dhe të gjitha gjashtë ndeshjet e grupeve.
Ylli i Juventusit, është baras me portierit e Portos, Iker Casillas, në aspektin e ndeshjeve të fituara në turneun premierë të Evropës, edhe pse spanjolli ka luajtur në 15 ndeshje më shumë se Ronaldo.
Pas fitores kundër Atleticos, 34-vjeçari deklaroi se shfaqje si kjo kanë bërë që Juventusi të paugajë dhe ta blejë.
Kampionët e Ligës së Kampionëve
124 gola – Cristiano Ronaldo
108 gola – Cristiano Ronaldo pa penallti
106 gola – Lionel Messi
105 gola – Cristiano Ronaldo te Real Madridi
71 gola – Raul Gonzales
63 gola – Cristiano Ronaldo në fazën e eliminimit direkt
61 gola – Cristiano Ronaldo në fazën e grupeve
60 gola – Karim Benzema
56 gola – Rudd van Nistelrooy
53 gola – Robert Lewandowski
Ish superylli i Real Madridit, ka shënuar 63 nga 125 gola të tij në fazat e eliminimit direkt.
Lionel Messi mund të jetë i vetmi lojtar i cili mund të krahasohet me Ronaldon dhe megjithëse shifrat e tij nuk i plotësojnë ato të portugezit, ai ka thyer disa rekorde.
Argjentinasi është kurorëzuar si golashënuesi më i mirë në Ligën e Kampionëve në pesë raste, duke shënuar gjithsej 106 gola.
Ai ka shënuar 66 herë në fazën e grupeve dhe, së bashku me Luiz Adriano , ata janë lojtarët e vetëm që kanë shënuar pesë gola në një ndeshje. /Telegrafi/
