Ngjarje interesante vazhdojnë të ndodhin në shtëpinë më të vëzhguar në Shqipëri.
Big Brother Albania ka mbledhur para ekranit shumë shqiptarë, të cilët i ndjekin banorët 24 orë në 24.
Ngjarjet më interesante po zhvillohen në zonën ku ndodhen banorët “single”, zonë në të cilën djemtë dhe vajzat janë të detyruar të jetojnë të ndarë nga një xham në mes, i cili u lejon që vetëm të shikohen mes vete.
Por pavarësisht kësaj, ky xham nuk po i ndalon ata që të shfaqin simpatitë mes tyre.
Përmes letrave që u ka dhënë në dorë vëllai i madh, ata po kanë mundësinë të shkruajnë mesazhe, në mënyrë që të përçohen përtej xhamit.
Kanë qenë së fundmi Ervini nga djemtë dhe Fotinia nga vajzat, të cilët kanë bërë një bisedë të gjatë së bashku, teksa Ervini në një moment i shprehet asaj me fjalët: “Do vij të të përqafoj, pavarësisht pasojave”.
Se a do t’i thyejë rregullat Ervini vetëm e vetëm për t’i dhënë një përqafim bukuroshes Fotini, kjo mbetet të shihet… /Telegrafi/