Real Madridi ka pësuar humbje të papritur në kuadër të Ligës së Kampionëve.
Madrilenët humbën para shikuesve të vetë kundër skuadrës së Ajaxit me rezultat 4-1.
Trajneri i klubit holandez, Erik ten Hag ka treguar se si ka arritur të neutralizojë kampionin në fuqi të kësaj gare evropiane për klube.
Ai ka thënë ndër të tjerash se lojtarët e realizuan në përpikëri planin që e kishin bërë me stafin teknik.
“Plani ishte i thjeshtë. Ne donim të krijonim raste duke kontrolluar topin dhe kështu të parandalonim Realin që dominoj në ndeshje”.
“Ne luajtëm shumë mirë në tranzicion dhe loja mbrojtëse ishte e mrekullueshme. Absolutisht të gjithë lojtarët patën paraqitje fantastike”, tha ndër të tjerash Ten Hag.
Ndryshe, Ajaxi do të mësoj rivalin e ri në këtë garë pas hedhjes së shortit më 15 mars (e premte). /Telegrafi/