Këngëtarja Era Rusi ka qenë mysafire në emisionin Një kat më lart të IN TV, ku ka folur për karrierën muzikore dhe raportet e saja me kolegët në estradën shqiptare.
Nikoqiri i emisionit ka pyetur rreth interpretimeve në mbrëmjet muzikore duke e përfshirë edhe pjesën fizike të performancës.
Ndërkohë që ka marrë komplimente nga moderatori i emisionit për format e saja trupore.
Më pas, në kuadër të lojërave të emisionit, ajo ka folur për personazhet që i ka zgjedhur, një prej të cilëve ishte edhe Luana Vjollca.
Era ka thënë se nuk e ka dëgjuar moderatoren e shndërruar në këngëtare duke kënduar ‘live’ dhe njëherësh ka theksuar se nuk i pëlqen kënga “Benzina”.
Gjatë emisionit, këngëtarja është dashur ta luajë edhe lojën me këngë duke i tërhequr në vazo titujt e këngëve që duhej t’i interpretonte.
Ajo ka arritur që t’i këndojë këngët që i ranë për t’i interpretuar. /Telegrafi/
