Këngëtarja e njohur, Era Istrefi ka paralajmëruar bashkëpunimin e radhës me një tjetër reper.
Ajo ka bashkuar forcat me reperin e njohur, Buta në të sjell duetin me titullin “5AM”.
Kështu ka bërë të ditur krijuesja e hitit “Bebe” në një postim që ka bërë sot në llogarinë e saj në Instagram.
Bashkë me njoftimin, Era gjithashtu ka bashkangjitur kopertinën e projekti muzikor, i cili pritet të publikohet të enjten, më 10 nëntor.
“E dimë që keni qenë duke pritur për këtë, le të çmendemi, e enjte 6pm (18:00)”, ka shkruar Era në imazhin ku shihet përkrah Butës.
Ndërkohë, kujtojmë që Era aktualisht po shijon suksesin e një tjetër bashkëpunim me reperin e njohur, Don Xhoni.
Dyshja vetëm pak javë më parë publikuan këngën “Hala”, e cila deri më tani ka grumbulluar mbi 20 milionë klikime në kanalin zyrtar në YouTube.
Ndërsa, projekti i fundit nga Buta mban titullin “Rich”. /Telegrafi/