Era Istrefi lë pas Rihannan dhe Dua Lipën në renditjen e Shazamit (Foto/Video)

Duket se Era Istrefi pas paraqitjes fantastike në televizionin gjerman, Pro 7, ka bërë që të jetë edhe më tepër e kërkuar në tregun evropian.

“Bon Boni” i këngëtares ka arritur një sukses në rrafshin ndërkombëtar duke u renditur në pozitën e 24 në aplikacionin për identifikimin e këngëve, Shazam.

Madje, Era ka lënë pas këngën “Be The One” të këngëtares tjetër shqiptare, Dua Lipa, e cila po vazhdon me koncertet e saja anembanë botës, transmeton Telegrafi.

Jo vetëm këngëtaren shqiptare, por edhe këngëtaren me të cilën e krahasojnë, Rihanna, e cila solli muaj më parë në bashkëpunim me Drake këngën “Work”.

Theksojmë se Era pritet të regjistrojë versionin anglez të hitit ndërkombëtar “Bon Bon”, i cili ka arritur të klikohet rreth 40 milionë herë në kanalin muzikor të YouTubes.

Gjithashtu këngëtarja është duke punuar edhe në projekte të reja, të cilat pritet t’i publikon gjatë muajve të ardhshëm. /Telegrafi/