Këngëtarja Era Istrefi dhe reperi Buta kanë publikuar bashkëpunimin e paralajmëruar.
Kënga vjen pas sukseseve të njëpasnjëshme të Erës këtë vit, ndërsa shënon rikthimin e Butës pas një pauze të gjatë që pas rastit tragjik të vëllait të tij.
“5AM” titullohet kënga e tyre më e re, e cila është ritmike e zhanrit pop dhe hip-hop.
Muzika është realizuar nga producenti Big Bang Beats, gjersa ‘beat’-in e kanë realizuar Llouis dhe Dextah.
Ndërkohë, vargjet e tekstit janë shkruar nga vet Era dhe Buta, të cilët kanë shkruar pjesët e tyre përkatëse.
“5AM” është vizualizuar edhe me klip, i cili i është besuar regjisorëve Terry Paul dhe Valon Aziri. /Telegrafi/
