Për shikuesit e shumtë të serialit “O Sa Mirë”, në kanalin zyrtar në YouTube, është publikuar episodi i 158 me radhë.
Në fillim të episodit të ri spikat sërish Ilir Prapashtica (që luan rolin e pastruesit të shkollës) në një bashkëbisedim me profesoreshën Jana Hajdari (Olta Daku).
Siç ndodh rëndom, nuk mungojnë edhe udhëtimet e protagonistëve në vendet evropiane, ku jetojnë shqiptarët.
Ndërsa Xhesika (Arta Nitaj) vazhdon të marrë vëmendjen e meshkujve duke e lënë, si gjithmonë, Sasën (Adriana Matoshi) nën hije.
Situata të reja humori sjellin karakterët e serialit duke përgatitur edhe një ndeshje futbolli, ndërsa Sasa e godet Llukmanin (Ernest Zymberi) me top në kokë duke ia humbur vetëdijen.
Llukmani dhe Qabi (Ridvan Murati) të gatshëm për biznese të reja, ndërsa kësaj radhe shfrytëzojnë bukurinë e Xhesikës për t’ia arritur qëllimit.
Në videon e mëposhtme mund ta shikoni episodin e plotë, të 158-tin të komedisë televizive, “O Sa Mirë”. /Telegrafi/
