Moderatorja dhe banorja e Big Brother VIP , Einxhel Shkira mbrëmë (e enjte) pësoi një aksident nga ku mbeti e lënduar dhe u detyrua të largohet nga shtëpia për të iu nënshtruar një operimi.
Operacioni i saj përfundoi me sukses dhe ajo ishte në gjendje që të fliste në një lidhje direkte në spektaklin e sotëm të Big Brother VIP nga spital.
Einxhel tregoi se gjendja e saj tashmë është stabile dhe falënderoi të gjithë banorët që i qëndruan pranë.
“Jam mirë, ana humane nuk mungonte nga asnjë banorë, i falënderoi që më qëndruan pranë”, ka thënë Eixhel.
Ndërsa, nuk dihet ende nëse ajo do të mund të rikthehet sërish në shtëpi si konkurrente, teksa qëndrimi i saj në spital dhe jashtë shtëpisë po përcillet gjatë gjithë kohës me kamera.
Ndryshe, sonte pritet eliminimi i banorit të radhës mes dy të nominuarve, Egzona Rafuna dhe Dritan Brama.
Ndërkohë, finalja e madhe e Big Brother VIP pritet të mbahet më 18 shkurt. /Telegrafi/
* BIG Brother VIP Albania mund ta ndiqni ekskluzivisht në platformën IPKO, në dy kanale HD, të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 30 dhe 31 në listën e kanaleve, si dhe përmbledhjen javore në kanalin TOP Channel.