“Tradhtare e bukur” është titulli i këngës më të re, të cilën e ka publikuar Endrit Ademi.
Është fjala për një baladë, e cila është kompletuar edhe nga ana vizuale me një video muzikore që i përshtatet përmbajtjes së tekstit.
Muzikën e kësaj kënge e ka bërë Kreshnik Avdiu, i cili njëherësh e ka shkruar edhe tekstin.
Ndërsa për orkestrimin e këngës “Tradhtare e bukur” është kujdesur Florent Boshnjaku. Produksioni Asha është kujdesur për xhirimin e videoklipit të projektit të ri muzikor.
Endriti është i njohur për interpretimet e mira të baladave, të cilat pëlqehen nga fansat e muzikës së tij.
“Haku jem” është një prej baladave më të fundit që ai kishte sjellë gjatë vitit të kaluar, me muzikë dhe tekst të Yll Limanit e me orkestrim të Florent Boshnjakut.
Këngëtari është mjaft aktiv edhe në evenimente të ndryshme muzikore, në ahengje familjare dhe argëtime të ndryshme. /Telegrafi/