Këngëtarja e njohur Enca Haxhia ka folur gjerë e gjatë rreth më të rejave të saj në një intervistë, në “Xing me Ermalin”.
Ndër të tjerash, ajo është pytur nga moderatori lidhur me vëmendjen që marrin personazhet të cilët flasin hapur në emisione apo edhe drejtojnë thumba në rrjetet sociale kundrejt saj.
Këngëtarja u shpreh se janë të shumta rastet e tilla kur vëmendja kërkohet prej një personazhi që tashmë veç është i famshëm.
Megjithatë në një shaka të bërë përgjatë emisioni, Enca gjithashtu u shpreh se për vëmendje mediale duhet të paguash, ndaj një gjë të tillë as ajo nuk do ta ofronte falas.
“Njerëzit mendojnë që vëmendja është falas, sidomos kur është vëmendja kaq e madhe nuk është falas, kështu nëse dikush do që të më bëjë “diss” ose dëshiron që t’ia kthejë “diss”-in, mund të flisni me menaxhmentin tim, flasim për tarifat dhe do jua kthej, s’ka asgjë personale. Por nga kjo ditë e tutje nuk ka më “diss”-e falas”, ka thënë këngëtarja gjatë emisionit.
Përndryshe, i ftuar në emision ishte edhe këngëtari i muzikës tallava, Muharrem Ahmeti, me të cilin së bashku kanë folur rreth bashkëpunimit të tyre më të fundit “Hajde”, i cili është pritur mirë nga publiku. /Telegrafi/
