Sot në mëngjes, TEC “Manastir” filloi aktivitetet e servisimit dhe riparimit në bllokun 1, me qëllim të përmirësimit të qëndrueshmërisë dhe besueshmërisë në punë. Ndërprerja e prodhimit nga ky bllok pritet të zgjasë për 24 orët e ardhshme, njoftojnë nga SHA “Elektranat e Maqedonisë së Veriut” (EMV).
Ndërkohë Blloku 2 i kombinatit mbetet në funksion.
ASH EMV njofton se termocentrali nesër do të jetë me kapacitet të plotë të rrjetit.
“Furnizimi me energji elektrike nga objektet e tjera të SHA EMV vazhdon pa ndërprerje dhe kompania nuk importon energji elektrike për nevojat e amvisërive dhe konsumatorëve të vegjël”, thuhet në njoftimin e EMV-së./Telegrafi/