Empoli ka bërë të ditur se e kanë transferuar edhe zyrtarisht Etrit Berishën.
Përmjes një komunikate, klubi italian njoftoi se portieri nga Prishtina ka nënshkruar kontratë
“Klubi i Futbollit Empoli njofton se ka arritur marrëveshje me Torino Football Club për blerjen përfundimtare të shërbimeve sportive të futbollistit Etrit Berisha”, thuhet në njoftimin e tyre.
Portieri shqiptar u largua nga Torino pas dy viteve qëndrim, edhe pse sezoni i fundit nuk ishte më i miri.
34-vjeçari është transferuar te Empoli, ku do të gjejë edhe dy futbollistë të tjerë kuqezi si Ardian Ismajli dhe Stiven Shpendi.
Lëndimi i rëndë i portierit të Empolit, Caprile, që do të qëndrojë larg fushave për disa muaj, ka detyruar presidentin e toskanëve që të hyjë në tregun e transferimeve dhe të afrojë Berishën në klub.
Palët kanë arritur marrëveshjen për një kontratë një vjeçare, me Berishën që do të kryejë sot testet mjekësore dhe do të vihet menjëherë në dispozicion të trajnerit Zanetti. /Telegrafi/
