Modelja e njohur Emina Çunmulaj javë më parë solli një fotografi shumë të veçantë në rrjetin social Instagram.
Ajo shfaqej e veshur me rroba kombëtare pranë vajzës së saj në këtë set kaq të veçantë, të realizuar në studion e fotografit të njohur Artan Korenica.
Këtë herë, Çunmulaj ka vendosur të ndajë me fansat të gjithë fotografitë e plota të setit të saj më të fundit.
Modelja duket bukur dhe tërheqëse në veshje kombëtare, gjersa buzëqeshja në fytyrën e saj nuk mungon.
Në këtë fotoseion, ajo shoqërohet nga vajza e saj e vogël, Ella Faria, ndërsa nuk heziton të vërë në pah edhe barkun e rrumbullakosur.
Brenda pak muajve, Çunmulaj pritet të bëhet së shpejti nënë për herë të dytë. /Telegrafi/
