Unai Emery ka mbajtur një konferencë për shtyp, në të cilën ka folur gjerë e gjatë lidhur me situatën e Granit Xhakës të krijuar pas ndeshjes ndaj Crystal Palace.
Kapiteni i Arsenalit i shau tifozët, pasi ata e provokuan me fishkëllima dhe ai tashmë është bërë kryetemë në mediat sportive në gjithë botën.
“Tash ai është i pikëlluar. Është i dëshpëruar dhe ne duhet t kujdesemi për të, për familjen e tij. Klubi, skuadra, duhet të kujdesen për të dhe ta rikthejmë Granit Xhakën më të mirë”.
“Pas kësaj situate të gabuar të të dielës, kam një sfidë secilën herë, për mua dhe skuadrën, dhe për secilin lojtar. Kur tifozët janë të pakënaqur me ne sepse duhet të luajmë, atëherë duhet t’i kontrollojmë ndeshjet më mirë dhe t’i përmirësojmë gjërat, ne kemi nevojë për ata (tifozët)”.
“Mirëpo, fillimisht duhet të bëjmë një hap përpara. Rrethanat individuale, si ajo e të dielës, vijnë sepse si skuadër duhet të përmirësohemi dhe duhet të jemi më komodë dhe ta transmetojmë këtë gjë te tifozët duke bërë paraqitje më të mira dhe duke nxjerrë rezultate. Kur ta bëjmë këtë, ata do të na mbështesin kolektivisht dhe individualisht”, ishin fjalët e trajnerit. /Telegrafi/
Xhaka being subbed off pic.twitter.com/VIQsnhFBoC
— Matt (@MGH) October 27, 2019